كيف تقتنص مقعدا فى المترو!!

 يقول ويكيليكس عن مترو أنفاق القاهره: مترو أنفاق القاهرة يعد أول خط مترو يتم تسييره في مصر والوطن العربي وقارة أفريقيا، كما يعد أحد أهم وسائل المواصلات في القاهرة. يبلغ سعر تذكرة استعماله جنيه مصري واحد لكافة المحطات وتصل إلي 75. قرش في الأعياد والمناسبات الرسمية. تخصص العربتان في منتصف المترو للسيدات ويمنع استخدام الرجال لهما حتى التاسعة مساءا ولكن يسمح للسيدات استخدام كافة عربات القطار. وينقل المترو ما يقرب من 2.6 مليون راكب يوميا.

تمااااااام قالك 2.6 ملوين راكب يوميا طبعا ده بيدى أستحالة أنك تقعد فى المترو خصوصا انو العربيات متصممة بطريقة انو الممرات بين الكراسى بتخلى عدد الناس الى واقفىه او ليها أمكانيت الوقوف أكتر بكتير من عدد الكراسى

نصيحة رقم 1 : أول و اخر عربية

ديما الناس بتقول أول عربة و أخر عربية بيبقوا فاضين لان الناس بتكسل تمشى الرصيف كله عشان توصل للعربيات دى و كمان معظم سلاللم المترو بتنزلك على نص الرصيف لكن أذا أردت ان تقتنص مقعدا فى المترو: متركبش أول و أخر عربية لان كل الناس بتفكر نفس التفكير ده و فاهما انها الوحيده الى ناصحة. أركب العربيه قبل الاخيرة من ورا او تانى عربية من قدام لان بيتميز فيهم انهم مكنهم بعيد الناس بتكسل تمشىيلهم الناس مش بتركز تركبهم

نصيحة رقم 2: بادر بأنك تقول أتفضل

خلونا نفترض انك اول مركب كان المترو مليان - و طبعا هتقف فى الطرقة الى قدام الكراسى مش الى قدام الباب عشان اول ما حد ينزل تقعد مكانة-  نفترض انو فى قدامك شخصين قاعدين و انت وراكب تانى واقفين قدامهم بالتوازى يعنى واضحة لو الى قدامك نزل انت هتقعد و لو الى قدامة نزل هو الى هيقعد. دلوقتى الى قدام الى جمك هو الى قام  تقوم انت تقول للشخص الى واقف جمك - الى هو المفروض يقعد اصلا- تقوله أتفضل أقعد هو بالفطره و التلقائية هيقولك اتفضل انت كعزومة مراكبية تقوم انت تسمع الكلام مباشرة و تقعد و أهو هو الى قال

نصيحة رقم 3: أقعد عشان العملية

و دى مش حيلة شريفة قوى لان فيها كده و بتستخدم لما تكون راكب انت و واحد صاحبك و وكرسى بعيد عنكوا يفضى فا ببساطه انت تقول لصاحبك اقعد انت عشان العملية هتلاقى كل الناس بتقوله أتفضل

نصيحة رقم 4: لا تقف أمام الابواب

ببساطة أول ماتتطلع عربية المترو متقوفش فى المساحى الى قدام الباب لكن أدخل جوه قدام الكراسى و لكن أبعد عن المقاعد الخاصة لكبار السن و الناس الى قاعده عشان أول ما حد يقوم تقعد مكانة و يفضل و انت واقف متبقاش واقف بالظبط قدام شخض قاعد لكن تحاول تظبط وقفتك بين كرسين بحيت تبقى قدامك فرصتين انك تقعد لو حد منهم نزل و ياسلام بقى لو قدام الكراسى الى هى 4 قدام بعض تبقى كده فرصتك اكبر

نصيحة رقم 5: متوقفش جمب الستات او كبار السن

لان فى ناس بنت تيييييييييت مبتفتكرش الشهامة غير و هى نازله و مع انك الاقرب للكرسى و الاحق بيه بدوان اى خدع او تحوير تلاقية ينادى على اى ست او راجل كبير فى العربية حتى لو فى اخر العربية و يقولها أقعدى هنا و كانه هرمونات الرجوله و الشهامة زادت عنده فجأة و هنا الخناق هو الحل الامثل لاقتناص الكرسى و لكن لي بعض الملاحظات على نوعية السيدات الى بينادو عليها عشان تقعد:

1. فى الاغلب بينقوا الست المحتشمة المحجبة او المنقبة 
2. لو الى قايم ست بتجيب مكانها ست
3. لو الى قايم شاب مسيحى تلاقية بينادى اى واحده سايبة شعرها

نصيحة 6: أعمل نفسك ميت

نفترض أنك قعدت على الكرسى بتلاقى ناس رخمة تطلب منك تقوم عشان الست الكبيره او الراجل الكبير طبعا انا مع الشهامه بس الكبار فى السن ليهم مقاعد مخصصة -المفروض منقعدش عليها اصلا- لكن برضوا فى ناس رخمه لذلك يفضل انك تنام لو مشوارك طويل او تقرا او تمسك الموبيل تلعب المهم ميبقاش فى تواصل بينك وبين الناس الى فى المترو