ديكتاتورية الثورة

من اولها كده انا متاكد أنو الكلام ده مش هيعجب ناس كتير...


الدستور أولا  : أنت بتلتف على نتيجه الاستفتاء و إراده الاغلبية, خساره هو فى حيد يبقى عاوز يأجل الديموقراطيه ! نحن ضد فرض وصايه من النخبه على الشعب و هم اثباتو انهم غير متصلين به و بدليل فشلهم الزيع فى الاستفتاء 22.8%
سيب الشعب يختار نخبه جديده (نواب البرلمان) ليكونو ممثلين حقيقين عنة .
كل ده كلام جميل و به و ما هو حقيقى و به ما يبدو مقنعا ولكن..
- قولى كده هو مين الى اسفط النظام ؟
- طبعا الشعب انت نسيت ولا أية الشعب يريد اسقاط النظام
- ايوه يعنى كام واحد ؟
- ملاين الشعب العريضة
- بقولك ايه متعصبنيش و فكك من كلام الانشا انا عاوز ارقام
- ياعم كنا بنعمل مليونيات فى ميدان التحرير
- لا خلينى اقولك التحرير و القائد ابراهيم فى اسكندريه و الاربعين فى السويس كده 3 مليون وكمان باقى البلاد زى المحله الكبرى (اول من عرفوا الاضراب فى تاريخنا الى فاكرينو) وبلاد تانيه فى الجمهورية بس باعداد  قليلة بالنسبه للتحرير
د/ عمار على حسن باحث علم الاجتماع المعروف عكل احصائيه بسيطه بتقول انو الى نزلو فى الثورة فى مجموع ايامها الـ18 يوم يعنى هم 18 مليون يعنى كأن الى نزل يوم منزلش تانى و ده مش صحيح بس فرض جدلى
طيب 18 مليون يبقى نقطه و من اول السطر .
تعداد مصر 85 مليون . هل ال18 مليون دول أغلبية عددية عشان هما الى يمشوا البلد على مزاجهم !
بس هما اغلبية نشيطة و متحركه و ذات افكار يسعون لتحقيقها

"طيب لو كانو ال 18 مليون دول يوم 10/2/2011 عماو استفتاء و شارك فيه ال 85 مليون مصرى هل نكمل الاعتصام ولا نمشى و كفايه كده و عاوزين استقرار و عجله الانتاج و نكمل مبررات انو مبارك ده فيمة و رمز و أب و أم و أخ و كده كده هيمشى بعد 9 شهور ز و فعلا ال 18 مليون رواحوا و سمعو كلامهم تفتكروا بعد 9 شهور كان هيحصل ايه .. اكاد اجزم فوز عمر سليمان او احمد شفيق بأنتخابات الرئاسة !"

طيب و بعدبن ؟
ال18 مليون الاقليه قدروا يمشوا رأيهم الى ضد القانون و ضد الدستور على 85 مليون واحد يعنى من الاخر أحنا الثوار ديكتاتورين ...
انت باين عليك فلول و ثورة مضادة !
لا انا واحد عادى و مكنتش مهتة بالسياسة غير البسيط يعنى و يوم 23 يناير كنت خايف البلد تتقلب فوضه زى تونس و اصله احنا عندينا جهل و فقر و هتقلب ثوره جياع و الخ لكن يوم 25 لما شوفت صوره الشاب الى واقف قدام عربيه المياه بتاعه الامن المركزى اظن كده بقيت واحد تانى ..
الثورة فى حد ذاتها عمل غير قانونى و هو عمل ديكتاتورى لان اقليه عدديه تفرض رأيها على الاغلبيه و تفرضه بالقوة لذلك ينبغى القول ان اقحام الاقليه الصامته المواليه للاستقرار و الهدوء على رأى الثورة (و لو كان من قبيل الديموقراطيه) هو امر فى غاية الخطورة على طريق الثورة .

Follow @3am_Mina