عشان نبقى على نور من اولها أنا مش بلوجر زي اسم البلوج ودي أول مرة أكتب ..
س : طب يابني ليه تجيب لنفسك الكلام وتكتب وحش والناس تتريق عليه ؟
ج: عشان النهرده كل الناس اتفقوا يعملوا تدوينات لانتقاد المجلس العسكري (اللي بيدير المرحله الانتقالية ) عشان نكسر هيبة انتقاده
باسم الله واستعنا على الشقى بالله ..
هيبة مين يا أبوهيبه أنت وهو من هيبته أكتر! ده مبارك بكل جابربوته كنا بنتقدوا براحتنا زمان ايوة كان بحدود للصحف مثلا لكن المدونين مكنش ليهم حدود كان في منهم صوته عالي ووحش على ودانهم هما طبعا وكانوا بيدفعوا التمن بس التمن كان شوية غلاسة يرفدوه من شغله يسلطو عليه جاره اللي واخد منه وصلت النت زي وائل عباس وهكذا .. لكن محاكمة عسكرية وسجن حربي زي مايكل نبيل سند دي مسمعتش عنها خالصصص !!
في إيه ماتفوقوا .. أنا سمعت إنه في احدى تسجيلات الأمن المركزي ظابط واقف في الشارع وبيبلغ العمليات بيقولهم الشعب ركب خلاص , ايوة احنا ركبنا ومش هانزل يا جنرالات, وإن كنتم فاكرين إنه طرق زمان من السيطرة على الإعلام اللي أصلا محدش بيشوفوا دي هتنفعكم كانت نفعت مبارك .. أنا باستغراب قناة النيل الثقافية دي أصلا مابتتشافش وعشان كده أصلا طلعوا عليها بثينة كامل لأ ومش عاجبهم كمان اللي بتقوله يقطعوا البرنامج (تحيه قوية للمذيع ) طيب البس بقى أهو البرنامج اتسجل ونزل على النت كله واللي مايشتري يتفرج عليكم :D يا بوب بقولك الشعب ركب !
طيب أنا مش ناوي أتكلم عن قتل الظباط اللي نزلوا 9 مارس اللي اتقتل منهم 4 و4 اتخدوا ده كلام سمعته من ناس كانوا هو الاعتصام ونزلتو بيان بيقول دول فلول وابراهيم كامل بتاع الحزب الوطني وبعدها التحقيقات برائته !! وقلتوا مفيش حد اتاخد فيها وبعدين قلتوا افرجنا عن شباب الثورة
ومش هتكلم كمان عن السفارة الاسرائليه والشباب اللي اتمسكوا واتهانوا
ده غير فوبيا الاقتصاد اللي طلع بعد كده ناس اقتصاديين بينفوها !
ندخل في الجد : فاكرين مقال بلال فضل بتاع الخطط الاجهادية , ليه اجهادية مش جهادية : عشان هم اجهادونا بيلعبوا على الوقت أنا هنزهق وهنسكت لا فكك الشعب ركب
الإجهاد اللي على حق هو :
0- التأخير الرهيييييب على بداية محاكمة مبارك ورؤوس الفساد
1- الناس اللي قالوا نعم وهم ك قوة سياسية كانوا أكتر من حيث العدد وليس التأثير دول لما يلاقوا إنه كلامهم ملوش لازمة هيتعبوا ويبيعوا القضية (ده غير إنه نعم طلعت نعم للمجلس العسكري ! )
2 - قانون تجريم الاعتصامات اللي هي أصلا اللي شلت البلد وكانت اكبر ضربة لنظام مبارك
3- قانون مباشرة الحقوق السياسية اللي برضه خرج من غير أي حوار
آخر موضوع عاوز أتكلم فيه (نظرية مؤامرة)
فاكرين موضوع عضو الاخوان اللي استقال لما عرف إنه المرشد قعد مع عمر سليمان قبل مامبارك يمشي لو مش فاكر الخبر هنا
تفتكروا اتفقوا على إيه ؟؟ وتفتكروا عمر سليمان الراجل الخطر ده فعلا ساب المخابرات يعني قاعد مع الراجل الجديد اللي اسمه موافي وقالوا على الكام معلومة وبطل يروح الشغل يعني موافي بيتصلش بيه يعرف منه حاجة يعني عمر سليمان مفيش أي اتصل بينه وبين المشير ... ده غير الحب الرهيب بين الإخوان والمجلس العسكري !!
من الاخر مجلس العسكر مُصر إنها مش ثورة وإنه عاوز يعمل انتقال للسلطة على مزاجه وأعتقد اللي على مزاجه هو اللي هيتعهدله بعدم ملاحقة قضائية ليه ولأعضاء
هو وبيدور على خروج أمن لاعضاء وعلى رأسهم المشير , أصله ماتقنعنيش إنه مش واخدله حتة أرض في حتى وإنه راجل شريف ماهو مو شريف يا كان عمل انقلاب من بتاع 5 سنين كده يا اما كان استقال من 10 سنين
قالوا للحرامي اتنحى قالك مادام طنطاوي يبقى تمام
وفي الآخر عاوز اقولكم إنه طنطاوي مش بتاع محاكمات .. طنطاوي بتاع .................
س : طب يابني ليه تجيب لنفسك الكلام وتكتب وحش والناس تتريق عليه ؟
ج: عشان النهرده كل الناس اتفقوا يعملوا تدوينات لانتقاد المجلس العسكري (اللي بيدير المرحله الانتقالية ) عشان نكسر هيبة انتقاده
باسم الله واستعنا على الشقى بالله ..
هيبة مين يا أبوهيبه أنت وهو من هيبته أكتر! ده مبارك بكل جابربوته كنا بنتقدوا براحتنا زمان ايوة كان بحدود للصحف مثلا لكن المدونين مكنش ليهم حدود كان في منهم صوته عالي ووحش على ودانهم هما طبعا وكانوا بيدفعوا التمن بس التمن كان شوية غلاسة يرفدوه من شغله يسلطو عليه جاره اللي واخد منه وصلت النت زي وائل عباس وهكذا .. لكن محاكمة عسكرية وسجن حربي زي مايكل نبيل سند دي مسمعتش عنها خالصصص !!
في إيه ماتفوقوا .. أنا سمعت إنه في احدى تسجيلات الأمن المركزي ظابط واقف في الشارع وبيبلغ العمليات بيقولهم الشعب ركب خلاص , ايوة احنا ركبنا ومش هانزل يا جنرالات, وإن كنتم فاكرين إنه طرق زمان من السيطرة على الإعلام اللي أصلا محدش بيشوفوا دي هتنفعكم كانت نفعت مبارك .. أنا باستغراب قناة النيل الثقافية دي أصلا مابتتشافش وعشان كده أصلا طلعوا عليها بثينة كامل لأ ومش عاجبهم كمان اللي بتقوله يقطعوا البرنامج (تحيه قوية للمذيع ) طيب البس بقى أهو البرنامج اتسجل ونزل على النت كله واللي مايشتري يتفرج عليكم :D يا بوب بقولك الشعب ركب !
طيب أنا مش ناوي أتكلم عن قتل الظباط اللي نزلوا 9 مارس اللي اتقتل منهم 4 و4 اتخدوا ده كلام سمعته من ناس كانوا هو الاعتصام ونزلتو بيان بيقول دول فلول وابراهيم كامل بتاع الحزب الوطني وبعدها التحقيقات برائته !! وقلتوا مفيش حد اتاخد فيها وبعدين قلتوا افرجنا عن شباب الثورة
ومش هتكلم كمان عن السفارة الاسرائليه والشباب اللي اتمسكوا واتهانوا
ده غير فوبيا الاقتصاد اللي طلع بعد كده ناس اقتصاديين بينفوها !
ندخل في الجد : فاكرين مقال بلال فضل بتاع الخطط الاجهادية , ليه اجهادية مش جهادية : عشان هم اجهادونا بيلعبوا على الوقت أنا هنزهق وهنسكت لا فكك الشعب ركب
الإجهاد اللي على حق هو :
0- التأخير الرهيييييب على بداية محاكمة مبارك ورؤوس الفساد
1- الناس اللي قالوا نعم وهم ك قوة سياسية كانوا أكتر من حيث العدد وليس التأثير دول لما يلاقوا إنه كلامهم ملوش لازمة هيتعبوا ويبيعوا القضية (ده غير إنه نعم طلعت نعم للمجلس العسكري ! )
2 - قانون تجريم الاعتصامات اللي هي أصلا اللي شلت البلد وكانت اكبر ضربة لنظام مبارك
3- قانون مباشرة الحقوق السياسية اللي برضه خرج من غير أي حوار
آخر موضوع عاوز أتكلم فيه (نظرية مؤامرة)
فاكرين موضوع عضو الاخوان اللي استقال لما عرف إنه المرشد قعد مع عمر سليمان قبل مامبارك يمشي لو مش فاكر الخبر هنا
تفتكروا اتفقوا على إيه ؟؟ وتفتكروا عمر سليمان الراجل الخطر ده فعلا ساب المخابرات يعني قاعد مع الراجل الجديد اللي اسمه موافي وقالوا على الكام معلومة وبطل يروح الشغل يعني موافي بيتصلش بيه يعرف منه حاجة يعني عمر سليمان مفيش أي اتصل بينه وبين المشير ... ده غير الحب الرهيب بين الإخوان والمجلس العسكري !!
من الاخر مجلس العسكر مُصر إنها مش ثورة وإنه عاوز يعمل انتقال للسلطة على مزاجه وأعتقد اللي على مزاجه هو اللي هيتعهدله بعدم ملاحقة قضائية ليه ولأعضاء
هو وبيدور على خروج أمن لاعضاء وعلى رأسهم المشير , أصله ماتقنعنيش إنه مش واخدله حتة أرض في حتى وإنه راجل شريف ماهو مو شريف يا كان عمل انقلاب من بتاع 5 سنين كده يا اما كان استقال من 10 سنين
قالوا للحرامي اتنحى قالك مادام طنطاوي يبقى تمام
وفي الآخر عاوز اقولكم إنه طنطاوي مش بتاع محاكمات .. طنطاوي بتاع .................
أول تدوينة في حياتي
عم مينا .
Comments
Post a Comment